Претходно денеска, Собранието ги констатираше оставките на Лукаревска и пратениците Мухамед Зекири од СДСМ, Бајрам Реџепи од ДУИ и Игор Дурловски од ВМРО-ДПМНЕ
Владата на денешната седница ја именуваше Сања Лукаревска за в.д. директор на Управа за јавни приходи.
„Со одлука на Владата Фарук Омери денеска е разрешен од должноста в.д. директор на Управата за јавни приходи, а со друга одлука Сања Лукаревска е именувана за в.д. директор на Управа за јавни приходи“,
соопшти владината прес-служба.
Претходно денеска, Собранието ги констатираше оставките на Лукаревска и пратениците Мухамед Зекири од СДСМ, Бајрам Реџепи од ДУИ и Игор Дурловски од ВМРО-ДПМНЕ
Ниту еден од пратениците не ја образложи својата оставка од собраниската говорница.
Зекири се огласи на социјалните мрежи најавувајќи нови предизвици. Тој се спомнуваше како можен директор на Фондот за здравствено осигурување, каде што Владата вчера назначи в.д. директор.
По нивните оставки, за нови пратеници во Собранието беа именувани Мирче Аџиоски од ВМРО-ДПМНЕ, Рина Ајдари од ДУИ, и Мирослав Јовановиќ и Лидија Тасевска од Коалицијата „Можеме“.