Владата на денешната седница донесе заклучок со кој ги задолжува сите државни институции да ги ослободат од работа луѓето кои одат на работа со придружба – потполно слепи лица, лица кои се движат со инвалидска количка и лица со тешка или умерена интелектуална попреченост.
„Владата го разгледа барањето на Министерството за труд и социјална политика и донесе заклучок со која се задолжуваат сите органи на државата, акционерските друштва во државна сопственост, агенции, фондови, бироа, заводи, управи и сите останати државни институции, вработените лица во овие институции кои одат на работа со придружба – потполно слепи лица, лица кои се движат со инвалидска количка и лица со тешка или умерена интелектуална попреченост, да бидат ослободени од одење на работа и извршување на работните активности,
соопштија од Владата.
За единиците на локалната самоуправа, како и за компаниите од приватниот сектор ова е само препорака.
Пристапот на лицата со попреченост е отежнат во секој сегмент на секојдневното живеење. Иако дел од нив се вработени, тие зависат од туѓа помош и во услови на вонредна состојба поради коронавирусот, се отвори прашањето како овие луѓе ќе се заштитат од потенцијална зараза, по што денеска Владата донесе олеснителни мерки и препораки и за нив.
*Поврзана вест: (ВИДЕО) Македонија далеку од општество еднакво за сите