Лидерите на Европската Унија ја осудија постапката на белоруските власти и актот на апсење на новинарот и активист Роман Проташевич. Денеска патнички авион она „Рајанер“ кој летал од Атина кон Вилнус, беше принуден на слета во Минска, за белоруските власти да го уапсат Проташевич бидејќи со сомничат дека е организатор на ланските масовни протести против претседателот Александар Лукашенко.
Шефот на европската дипломатија, Жосеп Борел, изјави дека ЕУ внимателно ги следи случувањата во врска со Проташевич и неговот апсење.
„Тоа е целосно неприфатливо. Белоруската влада ја сметаме за одговорна за сите патници на тој лет и на сите патници мора да им биде дозволено да го продолжат патувањето“,
вели Борел.
Претседателката на Европската комисијата, Урсула фон дер Лајен и претседателот на Европскиот совет, Шарл Мишел, исто така ја повикаа Белорусија да им дозволи на сите патници да го продолжат патувањето.
Германија побара итно објаснување од Белорусија и пресретнувањето на патничкиот авион во кој бил и Проташевич.
„Бараме итно појаснување од белоруската влада за менување на рутата на авионот кон Минск, и појаснување за апсењето на новинарот“,
рече Мигел Бергер, висок претставник на германското министерство за надворешни работи.
Претседателот на Литванија, Гитанас Науседа, реагираше на денешниот настан и побара итно ослободување на Проташевич.
„Невиден настан! Цивилен патнички авион кој летал кон Вилнус е принуден да слета во Минск. Белорускиот активист и основач на НЕКСТА бил во авион и бил уапсен. Белорускиот режим стои позади оваа акција! Барам итно ослободување на Роман Проташевич“,
напиша Науседа на Твитер.
Полицијата го уапси Роман Проташевич, по кого трагаа белоруските власти поради неговото учество во минатогодишните масовни протести што избија по изборната победа на претседателот Александар Лукашенко. Проташевич е еден од основачите на опозициските вести НЕКСТА, канал што стана еден од главните извори на вести за демонстрациите во Белорусија.
Авионот на релација Атина – Вилнус се наоѓал во воздушниот простор на Белорусија и скоро стигнал до Литванија кога пилотот бил принуден да го смени правецот. Белоруските власти побарале авионот принудно да слета со образложение дека содржи експлозив, но ништо не е пронајдено во леталото.