Како што соопштија од Левица, со денешниот чин во Брисел, како што велат, домашните предавници олицетворени во Владата на СДСМ и ДУИ, уште еднаш ја ставиле Македонија во подредена положба на сранска држава, и за тоа, „кога тогаш ќе ги стигне правдата“
Денеска во Брисел, врховистите од Македонија, на т.н. меѓувладина конференција, во име на македонскиот народ, пред Европската Унија се заложија дека во иднина ќе ги спроведат сите барања на Бугарија како платформа за постепена бугаризација на Македонија, сметаат во политичлата партија Левица.
„Ваквата „меѓувладина конференција“ е уште еден преседан на Унијата, потполно непознат за правото на ЕУ и досегашната негова пракса. Со ова, Унијата, не само што, по којзнае кој пат, користејќи двојни аршини во интеграциските односи на Македонија, спроведува дискриминаторски однос кон македонскиот народ, но и даваќи поддршка на Бугарија директно учествува во рехабилитацијата на нео-фашизмот во Македонија.
велат од партијата на Димитар Апасиев.
Процесот на разнебитување на македонската држава, народ и нација практично започна уште по прогласувањето на независноста. Историјата покажа дека првата направена отстапка, со цел регистрација (зачленување) на државата во ООН претставува слабост, преточена во традиција при секоја идна интеграција“,
Според Левица, кулминацијата на ваквото разнебитување ме го сведочеле токму денес на меѓувладината конференција во Брисел, со која, како што велат, македонизмот, како сламка за спасот на Владата, се жртвува на олтарот на ЕУ.
„На овој настан во Брисел, се создава лажна претстава за некаков си почеток на преговори со ЕУ, додека вистината е сосема друга – нема почеток на преговорите додека не се промени Уставот на Македонија по барање на Бугарија. Ваквите преседани, спроведени од ЕУ, не само што ја разобличија маската за постоењето на некакви европски вредности, туку погазија и бројни принципи на меѓународното право, како и основните човекови права, кон чие почитување е активно обврзана секоја земја членка“,
соопштија од Левица.
Како што соопштија, со денешниот чин во Брисел, како што велат, домашните предавници олицетворени во Владата на СДСМ и ДУИ, уште еднаш ја ставиле Македонија во подредена положба на сранска држава, и за тоа, „кога тогаш ќе ги стигне правдата“.