Тестирањата се направени со примероци на крв од 15 лица кои примиле две дози на вакцина како дел од клиничко испитување
Новите лабораториски студии покажуваат дека вакцините на „Фајзер/Бионтех“ и на „Модерна“ штитат од нови мутации на коронавирусот, објави Си-ен-ен повикувајќи се на резултатите од студијата објавена во „New England Journal of Medicine“.
Во студијата се наведува дека вакцината на „Фајзер“ може да ги заштити луѓето од новите мутации на коронавирусот, вклучувајќи ја и јужноафриканската B.1.351.
Тестирањата се направени со примероци на крв од 15 лица што примиле две дози на вакцина како дел од клиничко испитување.
Притоа, се заклучува дека вакцината обезбедува помалку неутрализирачки антитела, но сосема доволно за справување со вирусот.
Во анализите не е откриена намалена ефективност на вакцината ниту против британската мутација Б.1.1.7.