Косовскиот премиер во обраќањето пред пратениците во собранието во Приштина изјави дека неговата влада има целосна поддршка од САД и Европа
Премиерот на Косово, Албин Курти, рече дека одлуката за одложување на примената на мерките за менување на српските лични карти и пререгистрација на возилата со српски регистарски ознаки е донесена поради големата кампања на дезинформации на Србија, при што, како што нагласи, тој е решени да ги спроведат најавените мерки од 1 септември, пренесува РТС.
Тој во обраќањето пред пратениците во собранието во Приштина изјави дека неговата влада има целосна поддршка од САД и Европа.
„Она што требаше да се случи пред 11 години, сега почнуваме да го спроведуваме. Чекавме 11 години. Поради големата кампања на дезинформации што ја спроведува Белград, се договоривме со меѓународните фактори спроведувањето на одлуката да се одложи за септември. Во околностите во кои се наоѓаме, ја донесовме најдобрата можна одлука. Подобро 1 септември отколку никогаш. И уште подобро ќе беше да се спроведуваше од 2011 година, кога беше постигнат договорот во Брисел“,
рече Курти одговарајќи на критиките на опозицијата дека не требало да дозволи одложување на спроведувањето на мерките и дека не извршил пошироки консултации.
Тој вели дека и покрај тензиите властите се решени да ги спроведат најавените мерки.
„Во околностите во кои се наоѓаме, донесовме вистинска одлука, имаме целосна американска и европска поддршка. Одлуките ќе стапат во сила на 1 септември“,
додаде Курти.
Наводите на Курти, дека Белград води кампања за дезинформирање, ги отфрли директорот на Канцеларијата за Косово и Метохија, Петар Петковиќ, и го обвини дека токму тој го прави токму тоа.
Во изјавата Петковиќ го повика Курти „да покрене процедури за исполнување на обврските преземени во Брисел, чиј гарант е ЕУ.
Тензиите на Косово почнаа откако Србите го блокираа северот на земјата со барикади и камиони како одговор на косовската влада која донесе одлука да почне примената на мерките за менување на српските лични карти и за промена регистарските таблички со српски ознаки.