Известувачот за Северна Македонија Илхан Ќучук смета дека францускиот предлог е најдоброто што Бугарија и Северна Македонија може да го постигнат. Во 21. век, нагласува тој, идентитетот не може никому да му биде одземен, а најдобар начин да се заштити и зачува е да се биде внатре во Европската Унија, каде сите се еднакви.
„До сите мои пријатели во Северна Македонија, би сакал да знаете дека францускиот предлог е најдоброто што Бугарија/Северна Македонија може да го постигнат и би сакал да ве уверам дека во 21-ви век никому не може да му биде одземен идентитетот. Најдобар начин да се заштити и зачува е внатре во ЕУ каде што сите сме еднакви“,
напиша на Твитер Ќучук, кој е и лидер на Европските Либерали, претставник на бугарската партија ДПС.
To all my friends in #NorthMacedonia, I would like to let you know that the 🇫🇷 proposal is the best 🇧🇬/🇲🇰 could achieve and assure you that in 21st century no man’s identity could be taken. The best way to protect and preserve it is inside #EU where we are all equal.
— Ilhan Kyuchyuk (@ilhankyuchyuk) July 4, 2022
Денеска Европската Комисија го поздрави ревидираниот француски предлог за преговарачката рамка за Северна Македонија и смета дека овозможува почеток на преговорите со ЕУ.