Доминантниот сој на коронавирусот, омикрон, доби подваријанта ХББ.1.5, позната како кракен, што брзо се шири низ САД, како и низ дел од европските држави. XББ.1.5. е потсој на сојот XББ што се појави во 2022 година. XББ.1.5 ја има мутацијата Ф486П што го олеснува инфицирањето на човечките клетки и избегнувањето на имунитетот и со тоа предизвикува негово побрзо ширење. Врз основа на досегашните податоци, симптомите на XББ.1.5. се приближно слични на оние од претходните подваријанти на омикрон, иако тоа допрва треба да биде потврдено од научниците
Нема место за паника, досега во Македонија не е потврден случај на новиот сој на коронавирусот кракен, вели во изјава за МИА Александар Петличковски, претседател на Комисијата за заразни болести.
„Сѐ уште нема регистрирано кај нас бидејќи последното секвенционирање на позитивните примероци на ковид е направено на 5 декември и во таа рунда на секвенционирање, не е откриен овој сој, ‘кракен’. Засега нема точна информација кога би било следното, отприлика на еден месец се прават тестирањата. Веројатно следните денови би имало нова рунда на секвенционирање“,
појасни Петличковски.
Но, од податоците што ги имаат од САД и од Европа, како што нагласи тој, не се очекува некаков драматичен пресврт ни со оваа нова варијанта.
„Таа е малку повеќе заразна од претходните, како што сите нови варијанти што се појавуваат во изминатите месеци се однесуваат, стануваат малку повеќе заразни и малку поблага клиничка слика предизвикуваат на болеста. Не очекуваме некој драматичен пресврт ниту со таа варијанта“,
истакна Петличковски.
Тој информираше дека Комисијата за заразни болести следната недела ќе има состанок и в среда ќе се разгледува состојбата.
„Извештаите од болниците укажуваат на навистина стабилна состојба. Вкупно 30 хоспитализирани лица минатата недела, ниедно од нив на инвазивна вентилација, вкупно два смртни случаи, сѐ е како во последните три-четири месеци. Многу стабилно. Апсолутно нема простор за паника“,
додаде Петличковски.
Доминантниот сој на коронавирусот, омикрон, доби подваријанта ХББ.1.5, позната како кракен, што брзо се шири низ САД, како и низ дел од европските држави.
XББ.1.5. е потсој на сојот XББ што се појави во 2022 година. XББ.1.5 ја има мутацијата Ф486П што го олеснува инфицирањето на човечките клетки и избегнувањето на имунитетот и со тоа предизвикува негово побрзо ширење. Врз основа на досегашните податоци, симптомите на XББ.1.5. се приближно слични на оние од претходните подваријанти на омикрон, иако тоа допрва треба да биде потврдено од научниците.
Се чини дека варијантата потекнува од или околу државата Њујорк кон крајот на октомври. До крајот на декември, бројот на случаи во САД се зголеми повеќе од двојно за само една недела.
Британските научници веруваат дека е веројатно – иако не е сигурно – дека XББ.1.5. ќе предизвика нов бран на ковид-19 до крајот на јануари. Но, според професорката Венди Баркли од Империјалниот колеџ во Лондон, нема докази дека XББ.1.5. може масовно да ја наруши заштитата што ја обезбедуваат вакцините против ковид-19, изјави таа за Би-би-си.