Министерството за здравство информира дека денеска Институтот за јавно здравје регистрира 69 оздравени пациенти во: Скопје – 18, Куманово – 36, Дебар – 1, Штип – 1, Велес – 10, Гевгелија – 1.
Според денешниот извештај, бројката на нови жртви изнесува 4. На Клиниката за инфективни болести и фебрилни состојби починале две лица од Прилеп, пациентка на возраст од 55 години лекувана од 24 април и 87-годишен пациент лекуван од 27 април, и двајцата со тешка форма на болеста и респираторна слабост. Институтот регистрира уште едно починато лице во Прилеп, жена на возраст од 69 години, позитивна на вирусот која починала дома. Во Градската болница „8 Септември“ во Скопје, пак, почина пациент од село Зрновци (Кочани) на 62-годишна возраст, кој бил на болничко лекување од 21 април.
Во изминатите 24 часа направени се 362 тестирања, а потврдени се 29 нови случаи на ковид-19 и тоа во: Скопје – 11, Куманово – 4, Прилеп – 3, Тетово – 2, Велес – 6, Кочани – 3.
Со ова вкупната бројка на дијагностицирани во нашата земја изнесува 1 494, бројката на оздравени пациенти е 807, на починати е 81, а во моментов бројот на активни случаи во земјата изнесува 606.
Последната дистрибуција по градови е следна:
• Скопје – 509
Куманово – 393
Дебар – 51
Штип-34
Прилеп –153
Тетово – 84
Струга – 66
Велес – 77
Битола –19
Охрид –15
Кавадарци – 5
Гостивар –17
Гевгелија – 4
Струмица – 2
Крива Паланка-5
Радовиш – 4
Крушево – 3
Кочани – 31
Пробиштип – 2
Кичево – 2
Неготино -9 (*7 заболени лица се жители на Демир Капија)
Демир Хисар – 1
Македонски Брод -2
Пехчево- 2
Делчево-1
Валандово -1
Виница – 2
Направените 362 теста се преку: ИЈЗ –285, Ветеринарен ф-тет -11, Авицена –9, Биотек –26, Филип Втори (Жан Митрев) –0, Систина со PCR метода -21 и МАНУ -10. Досега во земјата се направени вкупно 16798 тестирања на ковид -19.
На Клиниката за инфективни болести и фебрилни состојби се примени 2 нови пациенти, а вкупно се хоспитализирани 48. На кислородна поддршка се 27, а на механичка вентилација е 1 пациент.
Во ГОБ „8 Септември“ примени се 3 нови, а вкупно хоспитализирани 26 пациенти. Од нив 4 пациенти се на респираторна машина и уште 3 со потешка клиничка слика.
Во болницата во Битола се лекуваат 4 пациенти, а на домашно лекување се следат 3. Во болницата во Штип се хоспитализирани 2 пациенти, а уште 4 се следат на домашно лекување. На ифективните одделенија во Прилеп, Велес, Куманово, Охрид, Гостивар и Тетово се хоспитализирани вкупно 44 позитивни и суспектни на ковид-19.