Општинскиот Оперативен штаб на Дебар, на денешната попладневна седница ја оцени епидемиолошката состојба со Ковид-19 како сериозна. Таквиот заклучок го аргументираа со појавата на зголемениот број на заразени од коронавирусот и голем број на сомнителни случаи кои се јавуваат во Општата болница во Дебар.
По темелната анализа костатирано е дека заштитната маска, физичката дистанца и дезинфекцијата на рацете не се доволни за прекинување на синџирот на инфекцијата.
„Бараме од Главниот кризен штаб да се преземат поригорозни превентивни мерки што ќе бидат во директна корелација со состојбата во општина Дебар. Апелираме до граѓаните да се придржуваат кон мерките за заштита и да не ја занемаруваат ситуацијата“,
стои во заклучоците на Штабот.
Во Дебар во последното деноноќие потврдени се 18 новозаразени со ковид-19 и сега има 110 активно болни, повеќе од двојно повеќе кога градот беше во карантин на почетокот на епидемијата од новиот коронавирус. Починаа петмина а уште 57 ја добија битката со опасниот вирус.