Ковачевски упати честитки: Нема поголем патртиотизам од поддршката за просперитет на земјата

Претходно и највисоките претставници на Европската Унија, Шарл Мишел, Урсула фон дер Лајен и Оливер Вархеји го поздравија денешното гласање во Собранието и едногласно порачаа дека со тоа се зацртал европскот пат на Северна Македонија

Премиерот Димитар Ковачевски преку социјалната мрежа Фејсбук им честиташе и им се заблагодари на пратениците кои гласаа „за“ заклучоците од Информацијата за Предлог-преговарачката рамка со Европската Унија. Вели дека тие денеска покажаа демократски капацитет и гласаа за европска иднина на државата.

„Нема поголем патриотизам од поддршката за просперитет на земјата и од одлуки кои се од највисок интерес за државата и граѓаните. Конечно македонскиот јазик ќе ечи секаде низ Европа. Вака се сака државата, со мудри и државнички одлуки“,

напиша Ковачевски на Фејсбук.

Претходно и највисоките претставници на Европската Унија, Шарл Мишел, Урсула фон дер Лајен и Оливер Вархеји го поздравија денешното гласање во Собранието и едногласно порачаа дека со тоа се зацртал европскот пат на Северна Македонија.

Брисел го поздравува исходот во Собранието – за идната недела најавува одржување на првата Меѓувладина конференција (360stepeni.mk)

Претседателот на најголемата опозициска партија, Христијан Мицкоски, пак, рече дека ова е комплетирање на вториот дел на предавството кое го почнал поранешниот премиер Зоран Заев уште во 2017  година. Порача дека измени за внесување на Бугарите во Уставот нема да има и оти гарант за тоа изјавите на пратениците од неговата партија заверени на нотар дека нема да поддржат уставни измени. Во спротивно, ќе си поднесат неотповиклива оставка.

Мицкоски: Ова е комплетирање на вториот дел на предавството започнато од Заев во 2017 година (360stepeni.mk)