Претседателот на Владата Димитар Ковачевски, упати честитка по повод 13 ноември – Денот на ослободување на Скопје. Тој како што се вели во соопштението од Владата, изразува длабока почит кон сите оние кои го дадоа својот живот за слободата на Скопје, и кон сите борци кои сведочат за еден од најзначајните денови во историјата на главниот град.
„Ден кога се сеќаваме на херојството, кога им се поклонуваме на жртвите и борците кои се бореа храбро за секоја улица на градот, и на овој ден пред 78 години, на граѓаните на Скопје им ја донесоа долгоочекуваната слобода. Од тој ден, Скопје, пулсира како слободен град“
порача Ковачевски.
Владина делегација претставувана од министерот за правда НиколаТупанчески, министерот за локална самоуправа Ристо Пенов и заменик министерот за транспорт и врски Беким Реџепи денеска ќе положи цвеќе на партизанските гробишта во Бутел, во Алејата на заслужни граѓани, како и пред споменикот „Ослободители на Скопје“ на платото пред Владата.