Во однос на уставните измени, Ковачевски, рече дека тоа е обврска што е многу јасно нотирана во Извештајот и во самите предлог-заклучоци стои дека штом тие амандмани бидат донесени, веднаш ќе биде одржана втората меѓувладина конференција
Предлог-заклучоците се многу јасни и ние секако дека ќе продолжиме со реформите, а процесот на уставни измени е процес што ќе продолжи. Тој е неминовен и на крајот ќе резултира со успешно завршување на преговорите и да станеме земја членка на Европската Унија, порача денеска премиерот Димитар Ковачевски пред почетокот на Самитот ЕУ-Западен Балкан.
Северна Македонија, додаде Ковачевски, заврши успешен скрининг процес, којшто е признаен од ЕУ, меѓутоа, како што нагласи „сите знаете дека ние имаме уште една обврска што треба да ја завршиме“.
„Таа сега зависи од нас, меѓутоа, таа дискусија секако ќе продолжи. Процесот ќе продолжи и неминовно ќе заврши со влез на Северна Македонија во ЕУ“,
истакна Ковачевски.
Според Ковачевски, доколку сите политички актери во нашата држава имаа позиција како што има владејачката коалиција, денеска ќе беше друга ситуација овде, и како што вели, ќе разговаравме за отворање на поглавјата и кластери.
Во однос на уставните измени, Ковачевски, рече дека тоа е обврска што е многу јасно нотирана во Извештајот и во самите предлог-заклучоци стои дека штом тие амандмани бидат донесени, веднаш ќе биде одржана втората меѓувладина конференција.
„Се она што јас го зборувам во изминатите година и половина се потврди како точно“,
порача Ковачевски.