Потресот бил почувствуван низ целата земја, но и во соседните држави на јужноамериканскиот континент – Венецуела, Еквадор и Панама. Десетици згради се урнати, а многу други се оштетени од потресот, кој колумбиската геолошка служба го регистрира како најсилен во последната деценија во Колумбија. Во тек се спасувачки акции
Потресот во Колумбија се случува помалку од два месеци по двата разорни земјотреси што ја погодија Венецуела, при што загинаа над 6 000 луѓе
Најмалку 47 лица загинаа во силен земјотрес што денеска ја погоди Колумбија.
Потресот со јачина од 7,4 степени според Рихтеровата скала се случил утринава во 7:34 часот по локално време, на длабочина од околу 110 километри. Епицентарот е регистриран во близина Сан Хозе дел Палмар – општина во регионот Чоко, во северозападниот дел на земјата, на околу 400 километри западно од главниот град Богота.
Потресот бил почувствуван низ целата земја, но и во соседните држави на јужноамериканскиот континент – Венецуела, Еквадор и Панама. Десетици згради се урнати, а многу други се оштетени од потресот кој колумбиската геолошка служба го регистрира како најсилен во последната деценија во Колумбија. Во тек се спасувачки акции.
По првичниот, регистрирани се два последователни потреси со магнитуда од 2,8 и 4,8 степени.
Колумбискиот претседател Абелардо де ла Есприела порача дека ќе направи сè што е потребно за да ги заштити и поддржи погодените региони и отпатува во Богота за да го предводи итниот одговор на вонредната ситуација.
Администрацијата на американскиот претседател Доналд Трамп објави дека внимателно ја следи ситуацијата по земјотресот во Колумбија, додавајќи дека САД се подготвени да дадат помош за колумбискиот народ.
Потресот во Колумбија се случува помалку од два месеци по двата разорни земјотреси со јачина од 7,2 и 7,5 степени што погодија и опустошија делови од Венецуела, при што загинаа над 6 000 луѓе.