Во објава на Икс се споделува видео за кое се вели дека е од руската рафинерија за нафта ТАНЕКО во Нижнекамск, која утрово е нападната со беспилотни летала, а која има проектиран капацитет за преработка од околу 15 милиони тони годишно, што ја прави една од најголемите во Русија
Најмалку 13 лица, меѓу кои и едно дете, се загинати, а 39 се повредени во украински напад со беспилотно летало во градот Нижнекамск во руската република Татарстан, објави градоначалникот Радмир Бељајев.
Нижнекамск се наоѓа повеќе од 1 000 километри источно од Москва и е место на голема, технолошки напредна рафинерија за нафта.
Видеата што кружат на социјалните медиуми, а за кои Си-ен-ен пишува дека ги имаат геолоцирано, покажуваат огромен пожар што беснее и облаци од чад што се издигаат од област веднаш надвор од градот, близу до она што се чини дека се карактеристични кули на рафинерија за нафта. Според пишувањето на медиумот, не е јасно што точно било погодено во нападот.
Во објава на Икс се споделува видео за кое се вели дека е од руската рафинерија за нафта ТАНЕКО во Нижнекамск, а која утрово е нападната со беспилотни летала.
🔥🛢️Russia’s TANECO oil refinery in Nizhnekamsk came under a drone attack early this morning.
— Special Kherson Cat 🐈🇺🇦 (@bayraktar_1love) August 10, 2026
The refinery has a design processing capacity of about 15 million tonnes per year, making it one of Russia’s largest. pic.twitter.com/7fKNSkQm3b
Во описот се вели дека рафинеријата има проектиран капацитет за преработка од околу 15 милиони тони годишно, што ја прави една од најголемите во Русија.
Во друга објава се вели дека беспилотни летала го погодиле трговскиот центар „Галактика“ што се наоѓа во Макиивка во регионот на Донецк, предизвикувајќи голем пожар.
#BREAKING | 🇺🇦 🇷🇺 — Ukrainian drones hit multiple targets in Russia and occupied territories overnight.
— The Global Eye (@TGEThGlobalEye) August 10, 2026
Drones struck the Galaktika shopping center in occupied Makiivka (Donetsk region), sparking a major fire. The site is a former Epicentr hypermarket seized and renamed by… pic.twitter.com/XtSUeY8T3P
Претседателот на Татарстан, Рустам Миниханов, нареди итен одговор на нападот, а прогласен е и Ден на жалост.
Руското Министерство за одбрана тврди дека соборило стотици украински беспилотни летала во текот на ноќта низ повеќе региони.
Нападот доаѓа во време кога и Русија и Украина ги интензивираат воздушните напади една против друга.