Коронавирус: Два случаи на „британскиот сој“ во С Македонија досега, едниот пациент починал

Според сознанија на „Дојче веле“, станува збор за заразени лица од Скопје и од Охрид

Два нови случаи на британскиот сој на вирусот се откриени во Северна Македонија.

Веста ја објави на Твитер д-р Горан Кунгуловски од Лабораторијата за генетика и персонализирана медицина при Клиниката „Жан Митрев“. Токму тој пред неколку дена пред јавноста ја сподели загрижувачката вест – дека заразниот вирус, којшто навлезе во 70 земји досега, е присутен и во земјата уште пред Нова година.

Во Британија, на секои 30 секунди по еден заразен со коронавирус завршува во болница

Според сознанија на Дојче веле станува збор за заразени лица од Скопје и од Охрид. Едниот случај е од 4 јануари, кога бил потврден позитивен тест кај заболениот, кој за жал починал како последица на вирусот. Вториот случај е од 18 јануари, а заболениот бил отпуштен од лекување пред три дена. 

Околу 20 соја на коронавирусот се детектирани во С Македонија

Претходно беше детектиран британскиот сој кај 46-годишен маж од Скопје кој веќе оздравел, но во лабораторијата на МАНУ беше најавено дека ќе се прават дополнителни анализи.

Британскиот сој на коронавирусот пристигнал во земјава уште пред Нова година