Откако партискиот портпарол на ВМРО-ДПМНЕ го подбивно го дискредитираше повикот за промени во ВМРО-ДПМНЕ на Ивица Коневски, поранешниот висок функционер врати со иста мера
Станува јасно каков човек ја води партијата по твоето огласување преку официјалниот портпарол. Така вели поранешниот градоначалник на Аеродром, Ивица Коневски, откако неговиот повик за промени во партијата експресно беше дискредитиран од портпаролот на опозицијата.
Со видно изменет речник, споредено со неговото обраќање од утрово, Коневски продолжува.
„По мојот изнесен став, ти го тераш портпаролот да пишува ниски лаги и клевети за мене. Со тоа само потврдуваш дека ти и твојот тим немате капацитет да се справите со искрените критики, упатени за доброто на ВМРО-ДПМНЕ. Што побрзо одите ти и таа багра од партијата, толку побрзо ВМРО-ДПМНЕ ќе застане на чело на државата“,
пишува Коневски.