Компанијата „АТС груп“ му донира 500 000 заштитни маски и 20 000 теста за ковид-19 на Министерството за здравство.
Тестовите за коронавирусот ќе се распределат во Институтот за јавно здравје на територија на целата држава, со што ќе се овозможи тестирање на поголем дел од населението. Заштитните маски, информираат од компанијата, се транспортираат од Народна Република Кина и наскоро ќе пристигнат во земјава.
„Борбата против ширењето на ковид-19 може да ја добиеме само ако дејствуваме обединето. Ситуацијата е деликатна за сите нас, но искрено сметам дека секој може да помогне на некаков начин. Ние одлучивме во рамките на можностите да ѝ помогнеме на нашата држава. Ќе продолжиме и понатаму да се трудиме да бидеме вистински партнер“,
вели Шефшет Демировски, сопственик на „АТС груп“.
Како што истканува Демировски, и во време на глобална криза предизвикана од ковид-19, компанијата работи со полн капацитет. Во компанијата работат 100 лица, а во тек е и конкурс за вработување уште 50 лица.