Објаснувањето за новата методологија е дека со зголемување на нивото на имунизирано население со вакцини и прележана болест поголем дел од инфекциите сега поминуваат асимптоматски или со благи симптоми. Затоа во последните недели фокусот околу ковид-19 во светот се поместува од вкупни бројки на новооткриени случаи кон број на хоспитализации и оптовареност на здравствениот систем
Комисијата за заразни болести предлага прифаќање нова методологија за проценка и следење на епидемиолошкиот ризик од ковид кој би се базирал на следење на број на новооткриени случаи и хоспитализации во последните седум дена на 100 000 население и процент на исполнетост на здравствени капацитети во последните седум дена.
„Според овие параметри, епидемиолошкиот ризик би бил класифициран како низок, среден или висок. За секоја од проценетите состојби се предвидува сет од мерки на индивидуално и општествено ниво. На ваков начин сметаме дека според објективни показатели ќе може навремено да се проценува ризикот и да се реагира соодветно во двете насоки, и за олабавување и за заострување на мерките“,
велат од Комисијата во соопштението.
Објаснувањето за новата методологија е дека со зголемување на нивото на имунизирано население со вакцини и прележана болест, поголем дел од инфекциите сега поминуваат асимптоматски или со благи симптоми. Затоа во последните недели фокусот околу ковид-19 во светот се поместува од вкупни бројки на новооткриени случаи кон број на хоспитализации и оптовареност на здравствениот систем.