Комисијата препорача, Владата неделава ќе одлучува за скратување на изолацијата за ковид-позитивните

Според најавите, се очекува таа денеска да се најде на разгледување пред Главниот кризен штаб, а во вторник да биде на владина седница

На почетокот на неделава се очекува да биде познато дали изолацијата за ковид-позтвните лица ќе биде скратена од десет на седум дена. Препораката ја донесе Комисијата за заразни болести минатата недела, а според најавите се очекува таа денеска да се најде на разгледување пред Главниот кризен штаб, а во вторник да биде на владина седница.

Намалување на изолацијата од десет на седум дена за ковид позитивните, препорача Комисијата за заразни болести

Министерот за здравство Беким Сали во петокот изјави дека во следниот период ќе се следи состојбата со новозаразените и соодветно на тоа ќе се носат препораки и одлуки. Засега, според неговата изјава, болничките капацитети не се целосно исполнети и далеку сме од потребата одредена клиника да се пренамени во ковид-центар.

Ковид-сертификатите, кои некои земји веќе најавија дека ќе ги укинат, засега остануваат во државава. Според министерот, сè уште е рано да се зборува за укинување на овие сертификати затоа што нивото на вакцинација кај населението во земјава е многу помало во однос на другите држави.

МЗ: Препорачано е само скратувањето на времетраењето на изолацијата, не е разговарано за укинување на сертификатите и маските

Бројките за новозаболени во земјава покажуваат дека во изминатите 24 часа се регистрирани 1 424 случаи од направени 5 604 тестирања. Од вкупниот број позитивни се регистрирани 214 реинфекции.

Согласно податоците од Институтот за јавно здравје, во изминатите 24 часа се регистрирани 1 083 оздравени пациенти и 15 починати.

Нови 1 424 случаи на коронавирус од кои 214 се реинфекции, починале 15 лица