Ексминистерот за здравство вели дека станува збор за вкупно 103 200 вакцини, а актуелниот заменик министер вели дека се 800 илјади, ама нивната дистрибуција ќе оди во фази
Со различни ставови околу тоа колку вакцини против ковид-19 нарачала С Македонија преку Ковакс-механизмот настапија денеска заменик-министерот за здравство Илир Хасани и ексминистерот за здравство Арбен Таравари, во гостување на Алсат.
Таравари обвини дека С Македонија не нарачала 800 илјади вакцини, туку 103 200.
„Навистина се нарачани околу 800 илјади вакцини. Можам да го потврдам ова преку информациите што ги имаме. Тука не може да има никакви манипулации и шпекулации. Но 20 проценти пристигнуваат во првиот квартал … Дозволете ми да објаснам дека се нарачани 800 илјади вакцини, но тие не пристигнуваат одеднаш, бидејќи има динамика на дистрибуција. Има околу 20 илјади до 40 илјади што треба да го достигнат првиот квартал, што паѓа некаде во март“,
рече Хасани.