Колев во интервју за БТВ вели дека Северна Македонија води лицемерна политика – од една страна ги осудува ваквите настани, од друга страна на отворањето на клубот во Благоевград присуствувал секретарот на претседателот Стево Пендаровски
Северна Македонија бара начин како сама да си стави вето на патот кон ЕУ. Нема да ме чуди за многу брзо време Република Северна Македонија да добие жолт картон од Европската комисија (ЕК), вели претседателот на Граѓанско демократската унија (ГДУ), Петар Колев, во интервју за БТВ.
Колев кој се идентификува како Бугарин од земјава, зборува за отворањето на македонскиот клуб „Никола Вапцаров“ во Благоевград и вели дека Северна Македонија води лицемерна политика – од една страна ги осудува ваквите настани, од друга страна во Благоевград присуствувал секретарот на претседателот Стево Пендаровски.
„Ако мислат дека со вакви двојни игри од времето на Југославија ќе ја осигурат европската иднина на македонските граѓани, длабоко се лажат“,
вели Колев.
Бугарската реакција на настаните околу отворањето на клубот „Никола Вапцаров“, пак, според него, заслужува пофалби.
„Еден достоен народ на таков начин треба да одговорни на такви намерни провокации“,
вели Колев.