И по завршувањето на вонредната состојба, од работни обврски остануваат ослободени:
- Родителите на деца на возраст до 10 години или активно четврто одделение
- Хронично болните лица
- Бремените жени
- Самохраните родители
- Родителите на деца со попреченост кои ја користат услугата дневен центар
- Лицата кои на работа одат со придружба -потполно слепи лица, лица кои се движат со инвалидска количка и лица со умерена и тешка интелектуална попреченост
Министерството за здравство информира дека Владата, на вчерашната 65 седница, заклучи дека, и по завршување на вонредната состојба, ќе продолжат да важат мерките со кои се ослободуваат од работни обврски одредени категории на граѓани, со можност, доколку е тоа остварливо, овие лица да ги извршуваат своите работни обврски од дома.