Посочи дека моментално се работи на план за долгорочно решение на дефицитот на лекови за пациентите на Онкологија, почнувајќи од дијагностиката
Ќе мора да се разгледаат начините за децентрализација на онколошката терапија, односно дел од таблетарната да биде на позитивната листа за да може да се подигнува надвор од Клиниката за онкологија. Ќе бараме начин како дел од биолошката терапија да се доделува надвор од Онкологија. Ова денеска го изјави директорот на Фондот за здравствено осигурување (ФЗО), Сашо Клековски, посочувајќи дека ќе биде решен проблемот со недостигот на биолошка терапија на Онкологија.
„Ние имаме онколошки одделенија во ‘8 Септември‘, во Штип, Битола и во Тетово, кои во овој момент не третираат пациенти со биолошка терапија. Или ќе третираат или нема потреба да имаме онколошки одделенија што не работат“,
рече тој.
Смета дека заедно со подобрување на Регистарот на пациенти, со цел да се обезбеди една предвидливост на промените, ќе ја стабилизираат ситуацијата.
Клековски додаде дека моментално се работи на план за долгорочно решение за дефицитот на лекови за пациентите на Онкологија, почнувајќи од дијагностиката.