Кинески турист заразен од коронавирусот почина во Франција, откако неколку дена беше во критична состојба, јавија француските власти.
“Кинескиот турист пристигна во Франција од провинцијата Хубеи во Париз на 16 јануари. Тој беше хоспитализиран и изолиран до 25 јануари. Неговата состојба забрзано се влоши и неколку дена беше во критична состојба, поради што беше префрлен на интензивна нега.“
– изјави француската министерка за здравство Агнес Бузин.
Од вирусот заразена била и неговата ќерка која се наоѓа во истата болница, но повеќе не е во животна опаснот.
Досега само три смртни случаи се регистрирани надвор од Кина – во Хонг Конг, Филипини и Јапонија. Во Кина пак, бројот на починати порасна на 1 500 лица, а инфицирани се 66 492 луѓе.
Надвор од Кина има повеќе од 500 заразени лица во 24 земји.
Фото: GETTY IMAGES