Комисијата за заразни болести ќе предложи задолжителен карантин од 14 дена за лицата што доаѓаат од сите африкански земји, информира Министерството за здравство.
Овој предлог доаѓа откако двајца пациенти се вратија ковид-позитивни по патување во туристичката атракција Занзибар.
„До овој момент во земјава сè уште не е детектирано присуство на јужноафриканскиот сој на вирусот. Во текот на утрешниот ден МАНУ ќе изврши анализа на бирсеви на двајца ковид-позитивни пациенти кои се вратиле од патување од Занзибар. Пациентите се хоспитализирани веднаш откако ги пројавиле првите симптоми на вирусот СарсКОв2“,
информира Министерството за здравство.
Согласно актуелната епидемиолошка слика и анализите на Институтот за јавно здравје, Министерството за здравство и Комисијата за заразни болести не ја исклучуваат можноста да се донесат препораки за нови мерки со цел спречување понатамошно ширење на ковид-19.
„Апелираме до граѓаните задолжително да ги почитуваат здравствените мерки и протоколи, како носење маска, одржување хигиена на раце и држење дистанца“,
велат од Министерството.