Здружението за едукативен развој „Еквалис“ и група на младински ативисти покренаа кампања под слоганот „Спас за учебната година“. Со онлајн-петиција бараат намалување на наставниот материјал во основните и средните училишта, посочувајќи ја состојбата што настана поради коронавирусот.
Потенцираат дека учениците и професорите се соочуваат со голем стрес за тоа како ќе заврши учебната година и како би се формирале крајните оценки.
За онлајн настава велат нема конректни правила и насоки и не сите семејства имаат дигитални уреди за да ја следат. Дополнително велат проблем и што голем број професори имаат различна платформа за настава, па во некои случаи учениците треба да следат повеќе од 5 различни платформи за своите задачи.
„Апелираме дека оваа вонредна ситуација треба да биде третирана како таква во образованието. Намалувањето на наставниот материјал на 70% би овозможилo поголем фокус на процесот на оценување- особено во претстојниот последен месец од учебната година. Ние сметаме дека на секој ученик треба да му се даде еднаква шанса за постигнување на успех во училиште, а со моменталната состојба и со спроведување на онлајн настава- искуствата покажуваат дека за тоа ќе треба подолго време“,
стои во повикот за петицијата.
Тие го повикаа Министерството за образование и наука да ги разгледа нивните барања и да се произнесе со одлука најдоцна до 25 април.