Шефицата на европската дипломатија информира дека телефонски разговарала со в.д. претседателката на Венецуела, Делси Родригез, на која ѝ ја пренела солидарноста на Европа со венецуелскиот народ и изразила сочувство до семејствата кои ги загубиле своите најблиски
Високата претставничка на Европската Унија за надворешни работи и безбедносна политика, Каја Калас, објави дека ЕУ обезбедила финансиска помош од пет милиони евра за погодените во двата земјотреси во Венецуела.
Во објава на Икс, шефицата на европската дипломатија информира дека телефонски разговарала со вршителката на должноста претседателка на Венецуела, Делси Родригез, на која ѝ ја пренела солидарноста на Европа со венецуелскиот народ и изразила сочувство до семејствата кои ги загубиле своите најблиски.
„Европската Унија веќе мобилизира пет милиони евра итна помош за погодените заедници. Го активиравме Европскиот механизам за цивилна заштита, а неколку земји членки брзо распоредија екипи за пребарување и спасување, пожарникари и медицински персонал. Сателитскиот систем ‘Коперникус’ на ЕУ ги поддржува службите за итни случаи, помагајќи во мапирањето на штетите и насочувањето на помошта таму каде што е најпотребна“,
пишува Калас во објавата.
I held a call with @delcyrodriguezv following the devastating earthquakes in Venezuela.
— Kaja Kallas (@kajakallas) June 28, 2026
I conveyed the EU's full solidarity with the Venezuelan people and our deepest condolences to the families of those who lost loved ones.
The EU has already mobilised €5 million in emergency…
Повеќе земји членки на ЕУ, вклучително Чешка, Шпанија, Италија, Франција, Луксембург, Германија, Португалија и Холандија, досега испратија помош во Венецуела преку Механизмот за цивилна заштита на Европската Унија.
На 24 јуни Венецуела беше погодена од два разорни земјотреси со јачина од 7,2 и 7,5 степени според Рихтеровата скала, кои се случија во интервал од само четириесет секунди. Според последите информации, во потресите загинаа 1 430 лица, а најмалку 3 238 се повредени.