Досега осум земји членки – Чешка, Шпанија, Италија, Франција, Луксембург, Германија, Португалија и Холандија – испратија помош преку Механизмот за цивилна заштита на ЕУ
Европската комисија распоредува спасувачки екипи и друга помош во Венецуела по двата разорни земјотреси што ја погодија јужноамериканската земја. Досега осум земји членки – Чешка, Шпанија, Италија, Франција, Луксембург, Германија, Португалија и Холандија – испратија помош преку Механизмот за цивилна заштита на ЕУ.
Од овие осум земји досега се мобилизирани повеќе од 520 спасувачи што ќе бидат испратени во погодените подрачја, се испраќаат и медицински тимови, како и телекомуникациска и енергетска опрема.
„Стоиме покрај народот на Венецуела во оваа голема трагедија и катастрофа. Благодарност до сите земји членки за нивната солидарност и брзината во испраќањето на помошта која вклучува пожарникари, кучиња спасувачи, медицински персонал и други форми на помош. Венецуела не е сама“,
порача претседателката на Европската комисија, Урсула фон дер Лајен.
Од ЕК порачаа дека доколку има потреба Унијата е подготвена да обезбеди дополнителна помош за Венецуела.