Неименуван, добро информиран извор рекол дека виталните функции на претседателот во последните 24 часа се загрижувачки и дека следните 48 часа ќе бидат клучни, пренесува Си-ен-ен
Болницата “Валтер Рид”, каде што е хоспитализиран Доналд Трамп поради ковид-19, има претседателски апартман со шест соби и вклучува единица за интензивна нега, кујна, дневна соба, спална соба и трпезарија со кристален лустер.
U.S president Trump isn’t staying in any old hospital room. Walter Reed Hospital has a six-room presidential suite just for the commander in chief that includes an intensive care unit, a kitchen, a living room, a bedroom, & a dining room with a crystal chandelier. pic.twitter.com/QQVhFYjzLJ
— Richard Southern (@richard680news) October 3, 2020
Трамп e префрлен во болница, откако неговиот лекар соопшти дека тој чувствува замор, има грозница и покачена температура.
Портпаролката на Белата куќа, Кејли Мекнени, информираше дека Трамп е префрлен во воената болница „Валтер Рид“ во Бетазди, во Мериленд, од претпазливост и оти таму ќе престојува неколку дена.
На снимките од заминувањето на Трамп во болница се гледа дека тој е во добро расположение, иако со бавен од, во костум, со маска и со рака ги поздрави новинарите пред да влезе во хеликоптерот.
Мекнени прецизираше дека здравствените експерти препорачале тој да работи од претседателските канцеларии во болницата „Валтер Рид.“.
По обраќањето на лекарите кои рекоа дека американскиот претседател се чувствува добро, неименуван, добро информиран извор рече дека „виталните функции на претседателот во последните 24 часа се загрижувачки и дека следните 48 часа ќе бидат клучни“.
Трамп сè уште не е на патот кон целосно закрепнување, изјави изворот кој побарал да остане неименуван, пренесува Си-ен-ен.
Претходно, медицинскиот тим на Трамп соопшти дека тој е добро, дека не е на кислород и дека немал покачена температура последните 24 часа.