Освен расчистувањето на теренот, директорот на ЈП „Улици и патишта“, Борис Настов, посочи дека се работи и на увид во причините за пропаѓањето на ѕидот и утврдување на техничките причинители, по што ќе се изготви квалитетен проект за санација и реконструкција на потпорниот ѕид поради функционална и безбедносна причина
По силното невреме што викендов го зафати главниот град, во населба Пинтија се урна потпорниот ѕид на булеварот „Борис Трајковски“, кој беше изграден во времето на ексградоначалникот на Град Скопје, Коце Трајановски
Се работи на изготвување нов проект со кој ќе се реконструира оштетениот потпорен ѕид на булеварот „Борис Трајковски“ во населбата Пинтија, најави денеска директорот на ЈП „Улици и патишта“ Скопје, Борис Настов, откако во невремето кое викендот го зафати главниот град се сруши потпорен ѕид на булеварот „Борис Трајковски“ во скопската населба Пинтија.
Настов вели дека веднаш откако ги добиле пријавите од граѓаните во врска со урнатиот ѕид, екипите на јавните претпријатија на Град Скопје излегле на терен со цел превенција од, како што вели, уште поголема катастрофа.
„Првично интервениравме со расчистување на градежниот и земјен материјал кој ја беше зафатил пешачката патека и дел од булеварот со цел да се олесни движењето на возилата, а потоа пристапивме кон санација на потпорниот ѕид“,
истакна Настов.
Освен расчистувањето на теренот, директорот на ЈП „Улици и патишта“, Борис Настов, посочи дека се работи и на увид во причините за пропаѓањето на ѕидот и утврдување на техничките причинители, по што ќе се изготви квалитетен проект за санација и реконструкција на потпорниот ѕид поради функционална и безбедносна причина.
Настов истакна дека паралелно со работата на овој потег на нашите екипи околу расчистувањето на теренот, се работи на увид во причините за пропаѓањето на ѕидот и утврдување на техничките причинители по што ќе се изготвува квалитетен проект за санација и реконструкција на потпорниот ѕид, поради функционална и безбедносна причина со кој би се олеснило движењето на граѓаните и возилата кои транзитираат на овој потег.
По невремето кое го зафати Скопје, а во кое се урна потпорниот ѕид во населба Пинтија, градоначалникот на Кисела Вода, Орце Ѓорѓиевски, најави дека ќе бидат спроведени инспекции за да се испита квалитетот на изградбата на потпорните ѕидови.
За рушењето на потпорниот ѕид во Пинтија, СДСМ побара одговорност од изведувачот на проектот и од поранешниот градоначалник на Град Скопје, Коце Трајановски, во чие време беше изграден ѕидот.
Ѕидот што се урна во Пинтија беше изграден кога се прошируваше тогашната улица „Првомајска“ во булевар „Борис Трајковски“ во времето на ексградоначалникот на Град Скопје, Коце Трајановски.