Земјотресот со јачина од 7,3 степени според Рихтеровата скала го погоди истото подрачје како и во 2011 година, кога потрес со интензитет од девет степени доведе до нуклеарна катастрофа во Фукушима
Земјотрес со интензитет од 7,3 степени според Рихтеровата скала го погоди североисточниот брег на Јапонија, а јапонската метеоролошка агенција соопшти дека епицентарот на потресот се наоѓал на 60 километри под морето.
Засега нема информации за евентуални жртви и за причинета материјална штета, но е издадено предупредување за појава на цунами.
Во меѓувреме, околу два милиони дома останаа без напојување со електрична енергија, соопшти Токиската електроенергетска компанија (ТЕПКО).
Земјотресот го погоди истото подрачје како и во 2011 година, кога потрес со интензитет од девет степени доведе до нуклеарна катастрофа во Фукушима.