Веста за одложувањето на министерскиот состанок ја пренесе портпаролот на германското претседателство со ЕУ, Себастијан Фишер
Наместо на 10 ноември, како што се очекуваше, Министерскиот совет на ЕК една недела подоцна, на 17 ноември, ќе ја носи одлуката околу утврдувањето на преговарачката рамка за нашата земја, како и за Албанија.
Како причина за одложувањето се посочува тоа што германскиот министер за Европа Михаел Рот е во изолација по средба со заразен со ковид-19.
Рот и германскиот шеф на дипломатијата Хајко Мас во понеделникот учествуваа на средбата во Берлин со македонските министри Никола Димитров и Бујар Османи и со делегацијата од бугарското МНР, предводена од министерката Екатерина Захариеав, која исто така замина во изолација.
Веста за одложувањето на министерскиот состанок ја пренесе портпаролот на германското претседателство со ЕУ, Себастијан Фишер.
#Servicetweet: The next video conference of European Affairs Ministers will be postponed by a week to 17 November due to the fact that the chair, @MiRo_SPD, had to go into self-isolation after a critical contact during a meeting with European counterparts. #GAC @EUCouncilPress https://t.co/eCuISrz8Yn
— Sebastian Fischer (@SFischer_EU) November 6, 2020
Во Брисел денеска се одржува дискусија на амбасадорско ниво за преговарачката рамка за Северна Македонија, како и за Албанија.
Во меѓувреме, премиерот Зоран Заев објави дека С Македонија ја доби првата блокада и, како што рече, непријателска порака од Бугарија. Софија, како што посочи Заев, го прекршила членот 2 од Договорот за добрососедство од 2017 година, кој предвидува поддршка во евроинтеграцискиот процес на С Македонија.