На средбата во Берлин беа присутни и македонскиот вицепремиер Никола Димитров и министерот за надворешни работи, Бујар Османи, но тие нема да одат во изолација
По состанокот во Берлин меѓу шефовите на дипломатиите на Бугарија, Германија и С Македонија повеќето од присутните ќе одат во изолација, откако бугарскиот заменик-министер за надворшени работи, Петко Дојков се покажа дека е позитивен на коронавирусот.
Во изолација ќе биде шефицата на бугарската диплматија Екатерина Захариева, но и нејзиниот германски колега Хајко Мас, како и министерот за Европа во германското МНР, Михаел Рот.
На средбата во Берлин беа присутни и македонскиот вицепремиер Никола Димитров и министерот за надворешни работи, Бујар Османи, но тие нема да одат во изолација. Димитров најави дека ќе направи превентивно тестирање.
Германското МНР информира дека во изолација заминуваат и други вработени во министерството кои присуствувале на средбите. Првиот тест на Мас бил негативен на коронавирус.
Како што јавува Дојче Веле, во соопштението на германското МНР воопшто не се споменуваат темата и учесниците на состанокот поради кои министерот заминува во карантин.