Министерот за здравство, Венко Филипче, на денешната прес-конференција, одговарајќи на прашање дали ќе се користи крвната плазма за лекување на пациенти заразени со ковид-19, посочи дека е е изготвен протокол, но и дека станува збор за третман за кој нема многу податоци.
„Овие денови изготвен е протоколот од страна на специјалистите на Институтот за трансфузиона медицина. Тој треба да ги помине и официјалните процедури во Агенцијата за лекови, меѓутоа тоа е процес на лекување кој не е индициран кај секого, нема сериозни податоци, освен публикации дека може да се користи во многу конкретни случаи и затоа кон тоа прашање постапуваме многу внимателно“,
рече министерот Венко Филипче.