Голем пожар на влезот во Радишани во близина на бензинската пумпа „Еурооил“ ги вознемири жителите на населбата и околните места. Според очевидците, пожарникарите брзо интервенирале и успеале да го локализираат пожарот за помалку од еден час.
Од Противпожарната единица на Град Скопје велат дека интервенирале со 10 противпожарни возила и 25 пожарникари. Пожарот избил во 13.10 часот во магацински простор за резервни делови.
Жртви нема, но причинета е голема материјална штета, потврди за „360 степени“ командирот на Противпожарната единица на Град Скопје, Владимир Симоновски.
