fbpx
Свет

Изборна ноќ во Германија: Расте предноста на СПД

360степени | 26 септември, 2021 21:11

Колку подолго траат преговорите за коалиција, толку повеќе Ангела Меркел останува на власт, што ќе и овозможи да постави нов рекорд – канцелар кој најдолго останал на функцијата. За да го надмине Хелмут Кол по бројот на денови поминати на функцијата, таа мора да остане канцелар до 17 декември оваа година

Од затворањето на гласачките места во Германија во 18 часот, податоците за тоа која партија колку гласови освоила постојано се менуваат.

Во меѓувреме, лидерите на сите партии кои учествуваа на годинешните избори за германскиот Бундестаг се собраа на традиционалната телевизиска дебата. Олаф Шолц, кандидатот на СПД рече дека владата ќе биде формирана многу скоро и ја посочи подготвеноста за соработка со Зелените на Аналена Бербок.

ФОТО: ЕПА

Всушност сите се согласија дека Германија ја чека тричлена коалиција. Шолц и Лашет изразија подготвеност за соработка со Зелените, како и со лидерот на либералите (ФДП) Кристијан Линднер.

ФОТО: ЕПА

Според последните податоци, Социјалдемократската партија има 25,5 проценти, додека Зелените бележат пад.

СПД – 25,5%

ЦДУ – 24,5%

Зелени – 13,8%

ФДП – 11,7%

АФД – 10,9%

Левица – 5%

Друга анкета пак ги покажува следниве податоци:

СПД- 25,2%

ЦДУ – 24 %

Зелени – 14 %

ФДП – 11 %

АФД- 10,8%

Левица – 5%

И податоците на ЗДФ покажуваат дека предноста на Социјалдемократската партија расте, додека демохристијаните стагнираат:

СПД- 26%

ЦДУ- 24,5%

Зелени- 13,9%

ФДП- 11,7%

АФД- 10,5%

Левица – 5%

СПД ќе освои повеќе изборни единици од ЦДУ, Алтернатива води во Саксонија

Според најновата проекција на ИНСА за националните парламентарни избори, левоцентристичката СПД може да освои двојно повеќе изборни единици отколку ЦДУ/ЦСУ , додека АФД е се уште прва во руралната Саксонија.

Додека анкетите покажуваат „мртва трка“: Лашет најави коалиција од три партии, СПД објави дека го има мандатот за нова влада во Германија

Ангела Меркел има шанса да постави уште еден рекорд

Резултатите од изборите се уште се прилично неизвесни и во моментов не е возможно да се процени кој ќе доби можност да формира нова влада. Колку подолго траат преговорите за коалиција, толку повеќе Ангела Меркел останува на власт, што ќе и овозможи да постави нов рекорд – канцелар кој најдолго останал на функцијата. За да го надмине Хелмут Кол по бројот на денови поминати на функцијата, таа мора да остане канцелар до 17 декември оваа година.

©2025 360 степени, Сите права се задржани