Според истражувањето на Ипсос, читаноста на печатот опаѓа, меѓу другото, заради ограниченото движење на читателите, кои се најчесто лица постари од 65 години.
За време на вонредната состојба поради епидемија на коронавирусот, српските државјани два часа подолго од порано ги следат телевизиските програми, додека кај македонските граѓани значително е зголемувањето на уделот на Интернет како извор на информации, покажа регионалното истражување на белградски Ипсос.
Како што јави МИА од Белград, според Ипсос, информациите од телевизиските екрани се доминантни кај сите испитаници од 82 проценти во Србија до дури 91 процент на Косово. На скала помеѓу нив се Албанија (84 проценти), Црна Гора (86) и Северна Македонија (87 проценти).
На дневно ниво во Србија, просечното време на гледање телевизија е зголемено за два часа во однос на претходниот период. Крај ТВ-екраните се различни генерации, од различни причини, вклучувајќи повеќе слободно време или поради училишните обврски (учење од далечина).
Во однос на интернетот и печатот, Северна Македонија е во предност со 64 проценти, а Албанија е на последно место со 33 проценти од испитаниците кои добиваат информации од тие извори. Србија (46) и Црна Гора (47 проценти) се речиси изедначени, додека Косово е поблизу до Албанија со 62 проценти.
Читаноста на печатот опаѓа, меѓу другото, заради ограниченото движење на читателите, кои се најчесто лица постари од 65 години.