Иницијативата „ЗД-принт медицинска опрема“ во изминатите неколку дена го зголеми капацитетот за производство на илјада заштитни маски на ден, со што е сè поблиску до целта да се изработат и дистрибуираат најмалку 6 000 заштитни маски со визири до крајот на неделата, соопштуваат од оваа иницијатива која се финансира од донации, а материјалите се донираат во здравствените институции во земјава.
На својата Фејсбук страница, членовите на оваа граѓанска иницијатива соопштија дека во понеделникот доставиле околу 925 заштитни маски со визири во повеќе здравствени установи во земjава и тоа во: ЈЗУ Берово, ЈЗУ Виница, ЈЗУ Пехчево, ЗД Ростуше, ЈЗУ Гостивар, ЗД Гостивар, ЗД Радовиш, ЗД Делчево, ГОБ 8. септември, Прилеп, Јасеново, Ургентен центар Клиника, Ургентен Градска, Ендокринологија, Неврохирургија, Струга, Кичево, КАРИЛ, Психијатрија, Рес хумана, Бета медико, Пулмолгија, Велес, Трансфузиологија, ЗД Скопје, Центар за јавно здравје, Патофиза, Интензивна Св. Наум Охридски, Тоарилуц, Дрисла, Пластична хирургија, Торакална хирургија, Педијатрија, Козле, КБ Штип и ГОБ „8 септември“ – Очно.
Во средата доставиле 675 маски и до ЈЗУ Завод Лешок, ЈЗУ Чаир Родилиште, ЗД Скопје, ЈЗУ Торакална Хирургија, ЈЗУ Детска хирургија, ЈЗУ Урологија, ЈЗУ Ургентен центар, ЈЗУ КАРИЛ, ЈЗУ Неврологија, ЈЗУ ОРЛ, ЈЗУ Офталмологија, ЈЗУ Нефрологија, ЈЗУ ГЕХ, ЈЗУ Ендокринологија, ЈЗУ Ревматологија, ЈЗУ Токсикологија, ЈЗУ Педијатрија, ЈЗУ Радиологија, ЈЗУ Онкологија, ЈЗУ Судска Медицина, ЈЗУ Институт за Патологија, ЈЗУ Институт Микробиологија, ОБ Дебар, ЈЗУ Институт Патофиза, ЈЗУ ГОБ 8ми Септември, Ветеринарен Институт, ЈЗУ ГАК, и ЈЗУ Стоматолошки Клиники. Дополнително се предадени десет заштитни маски со визири на Пазарна инспекција.
Досега преку оваа иницијатива дистрибуирани се повеќе од 3 000 парчиња заштитни маски со визири. Покрај готови маски, испратен е материјал за работа до сите помали производствени групи по градовите низ државата.
Од денеска од 16-19 часот во ПЗУ Ординација по општа медицина „Медика Вера“ ќе се поделат заштитни маски и за матичните лекари, според нивните барања, најавуваат од иницијативата.
Членовите на иницијативата наведуваат дека овие заштитни маски со визири се соодветно дезинфицирани, и дека се произведени од соодветни репроматеријали кои можат со сигурност да ја извршат заштитната функција.
Од иницијативата истакнуваат дека се’ што произведуваат е од донации и дека нивните производи не смеат да се продаваат. Тие реагираат на информацијата во јавноста дека нивни производи се појавиле во продажба. Од Иницијативата истакнуваат дека кога нивната цел ќе се реализира, иницијативата ќе се затвори и ќе се повлече и компаниите можат слободно да ги пласираат своите производи до широката јавност.