Судиите Ѓоко Ристов и Енвер Беџети јавно да излезат и да пред целата јавност да кажат како е можно за лице со вкупни пресуди од 20 години да донесат ваква одлука, бара владејачката партија откако и министерот за правда настапи со критика на судската одлука за поранешниот директор на УБК
СДСМ ја оценува како скандалозна одлуката на Апелацискиот суд во Скопје за пуштање на поранешниот директор на УБК, Сашо Мијалков, од притвор.
„Денеска целата македонска јавност е сведок на силен удар врз правдата од страна на судиите во Апелацискиот суд во Скопје.
изјави портпаролката на СДСМ, Богданка Кузевска.
Скандалозна е одлуката на судот да ја прифатил гаранцијата со што на лицето Сашо Мијалков му се укинува притворот.
Мијалков издржува мерка притвор во предметот Трезор каде што е осуден на 8 години затвор, со се уште не правосилна пресуда. Исто така, за Мијалков има и втора неправосилна пресуда од 12 години за нелегеланото прислушување.
Судиите Ѓоко Ристов и Енвер Беџети јавно да излезат и да пред целата јавност да кажат како е можно за лице со вкупни пресуди од 20 години да донесат ваква одлука? Како оцениле дека не постои ризик од бегство“,
Таа посочи дека Мијалков беше недостапен за институциите, така што, како што рече, и сега ризикот е повторно голем.
„Оваа одлука директно ја загрозува правдата, не само за овој предмет, туку и за сите кои се водат за него, како и за криминалот на други поранешни функционери на ВМРО-ДПМНЕ. Судиите се независни, но оваа срамна и скандалозна одлука отвора сериозни сомнежи и претставува директен удар врз кредибилитетот на судството да испорача правда за секој.
рече Кузевска.
Ги повикуваме сите надлежни институции да се вклучат во овој случај, да не се дозволи бегство а граѓаните, ги повикуваме да бидат гласни и заедно да обезбедиме правда“,
Одлуката на Апелацискиот суд во Скопје, кој ја прифатил гаранцијата од 11 106 501 евро за Мијалков да се брани од слобода, одредувајќи му притоа мерки на претпазливост (одземање на пасошот и обврска да се јавува во судот), претходно ја критикуваше и министерот за правда Бојан Маричиќ.
Во пресрет на одлуката што ја донесе второстепениот суд, од Вишото јавно обвинителство Скопје, пак, испратиле негативно мислење односно предлог да се одбие жалбата и понудената гаранција.
Се најавува дека утре Судскиот совет, на седница на работно тело на Советот, ќе дискутира и ќе донесе став за одлуката на Апелацискиот суд во Скопје да го укине притворот на бившиот директор на УБК.