Во сабота се очекува пороен дожд и грмежи, а в недела и в понеделник засилен ветер, поради што температурата ќе падне
Претежно сончево и многу топло време нè очекува и во текот на денешниот ден. Утринската температура ќе биде од 14 до 20 степени, а дневната ќе се движи во интервал од 33 до 29 степени.
И во Скопје ќе биде многу топло со умерен ветер, а температурата ќе достигне до 38 степени.
УХМР најавува слична прогноза и за утре, додека во текот на викендот се очекуваат промени.
Во сабота во попладневните часови се очекува локален развој на нестабилна облачност проследена со пороен дожд, грмежи и засилен ветер. На некои места ќе има и невреме.
В недела и в понеделник, пак, ќе дува засилен ветер што ќе предизвика пад на температурата.