На адресата на министерот за здравство, како што објави „Јутарњи лист“, полицајците дошле со наредби за претрес
Припадници на хрватската Национална полициска канцеларија за сузбивање корупција и организиран криминал утрово организирале голема акција во која упаднале во домот на актуелниот министер за здравство Вили Берош, јавуваат утринава хрватски медиуми.
На адресата на министерот за здравство, како што објави „Јутарњи лист“, полицајците дошле со наредби за претрес.
Според првичните информации, цел на истражителите, освен министерот, се и неколку високо позиционирани лекари, меѓу кои и директори на болници.