Поранешната канцеларка изминатата недела телефонирала со Гутереш и ја одбила понудата
Ангела Меркел, која 16 години беше канцеларка на Германија и го означуваше не само развојот на својата земја, туку и на Европа, доби понуда за работа од Њујорк.
Генералниот секретар на Организацијата на обединетите нации (ООН) Антонио Гутереш ѝ понуди на Меркел да биде дел од советодавен тим на високо ниво во светската организација.
Агенцијата ДПА, повикувајќи се на дипломатски извори во ОН, објави дека на Меркел ѝ било понудено да претседава со телото за глобални јавни добра, од што потенцијално би требало да имаат корист сите граѓани на светот.
Понудата генералниот сектреар на ОН ја испратил преку писмо до Меркел.
Меѓутоа, како што од канцеларијата на Меркел одговориле на новинарските прашања од ДПА, поранешната канцеларка изминатата недела телефонирала со Гутереш и ја одбила понудата.
Телото за глобални јавни добра за каде ексканцеларната на Германија доби понуда за работа е проект на Гутереш, како дел од реформите на ОН. Во својот извештај за реформите на ОН минатата година, тој најави дека ќе ги повика поранешните шефови на држави и влади да воспостават глобална листа на јавни добра и други области од заеднички интерес каде што треба да се подобри управувањето.