Шпат Касапи, кој е познат пејач и син на пратеничка, пред еден месец, како што објавија тогаш некои медиуми, бил фатен со пакетчиња прашкаста материја во населбата Ѓорче Петров
Шпат Касапи денеска е разрешен од позицијата советник за култура и општество на првиот вицепремиер Артан Груби откако пред еден месец беше приведен поради поседување дрога, објави Канал 5 повикувајќи се на извори од кабинетот на Груби.
Груби за „360 степени“ ја потврди информацијата и рече разрешувањето на советникот била првата работа што вицепремиерот ја направил утринава.
„Уште во 8 часот наутро. Тоа беше прво нешто што го направив денес“,
кусо ни изјави Груби.
Касапи, кој е познат пејач, е син на пратеничката, Ѓилемсер Касапи и пред еден месец, како што објавија тогаш некои медиуми, бил фатен со пакетчиња прашкаста материја во населбата Ѓорче Петров во близина на „СП планет“. Тој тогаш бил приведен.