Ричард Гренел, специјалниот пратеник на американскиот претседател Доналд Трамп за преговорите меѓу Косово и Србија, изјави дека САД не се страна во договорот меѓу Србија и Косово за нормализирање на економските односи.
Со тоа Гренел ја демантираше вечерашната изјава на српскиот претседател Александар Вучиќ дека Србија и Косово потпишаа билатерални договори со САД за нормализирање на економските односи меѓу Белград и Приштина.
„Тие потпишаа договор да работат заедно, тие не потпишаа со САД. Ние не сме потписници“,
изјави Гренел на прес-конференција во Вашингтон додавајќи дека тоа што го потпишал Трамп е писмо во кое потврдува дека двете страни ќе работат заедно.
Reporter: "Did they sign an agreement with each other or did they sign an agreement with the US?"
— The Hill (@thehill) September 4, 2020
Richard Grenell: "They did not sign with the US. We're not a signature."
Reporter: "President Trump signed something. We watched him."
Ric Grenell: "Yeah, correct." pic.twitter.com/IefkBBzRoK
Тој додаде дека „нема ни да се обиде да разјасни што мислел претседателот Вучиќ кога им се обратил на српските медиуми“.
„Она што (Вучиќ) го рече во салата за состаноци е дека ова е историски договор што ќе придонесе за нормализирање на регионот. Тој зборуваше за мини-шенген зоната“,
изјави Гренел.