Додека градоначалникот е на боледување, неговите надлежности привремено ќе ги извршува членот на Советот, Неделчо Крстевски
Општина Карпош преку соопштение ги отфрла информациите кои се појавија во дел од медиумите дека градоначалникот Сотир Лукровски се повлекува од функцијата. Од локалната самоуправа појаснуваат дека станува збор за привремено отсуство поради здравствени причини.
Од општината уверуваат дека институцијата продолжува да функционира непречено и со целосен капацитет. Додека градоначалникот е на боледување, неговите надлежности привремено ќе ги извршува членот на Советот, Неделчо Крстевски.
„Уверуваме дека Општина Карпош продолжува да функционира посветено кон потребите на граѓаните. Апелираме до јавноста и медиумите за разбирање и почитување на приватноста на градоначалникот Лукровски и неговото семејство во овој период“,
стои во соопштението.
Дел од медиумите пренесуваат дека Лукровски наводно во два наврати веќе се обидел да поднесе оставка, но неговата матична партија, ВМРО-ДПМНЕ, не го дозволувала тоа, инсистирајќи тој да остане на функцијата.