Решенијата за данок на имот и фирмарина кои пристигнуваат на адресите на граѓаните беа испратени пред да се случи епидемијата со коронавирусот во нашата држава, а поради новонастанатата состојба Градот Скопје нема да презема дополнителни мерки кон даночните обврзници.
„Додека трае вонредната состојба, Град Скопје нема да постапува по опомените за 2019 година кои се доставени до обврзниците за данок на имот и до обврзниците за комунална такса – фирмарина и нема да се врши присилна наплата на заостанатите неплатени долгови“,
се вели во соопштението.
Се напоменува дека сите случаи кога даночни и таксени обврзници нема да добијат решенија или во решенијата ќе забележат недостатоци и неправилности, ќе се решаваат по укинување на вонредната состојба.