Ги следиме случувањата со МПЦ-ОА и ги поддржуваме чекорите во црковната дипломатија, велат од Комисијата за верски заедници

Радува тоа што по одлуката на Вселенската патријаршија со која се призна и прифати во канонско единство нашата древна и славна Охридска архиепископија се отпочна и со евхаристиско општење помеѓу Македонската и Српската православна црква, велат од Комисијата

Со особена внимателност ги следиме актуелните случувања околу меѓународната активност на нашата Македонска православна црква-Охридска архиепископија (МПЦ-ОА) и интеракцијата со сестринските помесни православни цркви и ги поддржува мудрите чекори во понатамошната црковна дипломатија, велат од Комисијата за односи со верските заедници и религиозни групи (КОВЗРГ) еден ден откако во Белград се одржа заедничка „литургија на помирување“ со Српската православна црква (СПЦ).

„Радува тоа што по одлуката на Вселенската патријаршија со која се призна и прифати во канонско единство нашата древна и славна Охридска архиепископија се отпочна и со евхаристиско општење помеѓу помесните Македонската и Српската православна црква, во кои се воцрквуваат блиските народи, македонскиот и српскиот“,

пишува во соопштението на КОВЗРГ.

Разрешувањето на македонското црковно прашање, се додава во соопштението, е процес во кој верниот македонски народ и црковниот клир со децении се соочуваат со безброј предизвици, препреки, неправди и понесуваат голема жртва.

„Но во светло на конечното препознавање на канонската исправност и автокефалниот статус кој во полнота го живее МПЦ-ОА од православната екумена, патот на македонската црква говори за нејзината смиреност, длабока и древна духовност која повеќе од милениум го чува светото црковно предание“,

велат од Комисија.

„Религија.мк“: Седумте важни детали од литургијата за помирување меѓу СПЦ и МПЦ

Вчерашната заедничка литургија со СПЦ следува откако на 9 мај Вселенската патријаршија донесе одлука за признавање на црковната јерархија на Охридската архиепископија предводена од архиепископот Стефан за канонска и валидна во сеправославниот свет, а на 16 мај СПЦ соопшти дека за Македонската православна црква го прифаќа статусот на најширока можна автономија односно целосна внатрешна независност, кој ѝ бил доделен уште во 1959 година.

СПЦ и МПЦ-ОА во соборниот храм „Свети Сава“ во Белград служат литургија на помирување

(ВИДЕО) Архиепископот Стефан со порака од Белград: Благодарност до СПЦ што ја поздрави одлуката на Вселенската патријаршија

Порфириј: Ја исцеливме раната што нè болеше 55 години

Јован Вранишковски: Денеска сум порадосен отколку денот кога добив томос за автономија на ПОА