Од утре во Германија стапува во сила задолжителен карантин за лицата што ќе дојдат од странство.
Како што најави германското Министерството за внатрешни работи, сите лица што доаѓаат од странство мора да бидат во двонеделен карантин. Во случај на непочитување на мерката, следува казна од 150 до 25 000 евра.
Овие мерки ќе важат на ниво на сојузната држава и покраините.
„Овие мерки се наменети со цел да го прекинат синџирот на инфекција во прекуграничниот сообраќај и со тоа да се спречи натамошно ширење на вирусот“,
се наведува во соопштението на Министерството.
Од задолжителниот карантин се изземени прекуграничните работници, лицата што биле на службен пат, како и возачите на камиони.