Над 500 ученици, но и наставници, во основно училиште во германскиот град Лајпциг се заразени со вирус, кој сè уште е непознат за лекарите.
Германски медиуми пишуваат дека сите заразени имаат различни симптоми, но посебно се истакнуваат висока температура и дијареја. Нивните тестови на коронавирус се негативни.
Само во понеделникот биле пријавени над 100 новозаразени случаи, пишува списанието Феникс.
„Доколку има повеќе заразени во една јавна установа, за толку краток временски период, а лицата се жалат на дијареја и температура, може да станува збор за норовирус. Ако лицето го донесе вирусот во училиште, многу лесно се пренесува. Но, по неколку дена, непријатните симптоми, најчесто се повлекуваат“,
изјави доктор Кристоф Шпехт за германскиот медиум РТЛ.